Ahmad fraaz

Ghazal Name.. Janan

 

• Ab ke tajdeed-e wafa ka nhi imkan jana...
• Tujkho kya yaad dilaen tera paiman jana.    

                    (tajdeed= naya | imkan= ummed)

•  Yoon hi mausam ki ada dekh ke yaad aaya.... 
• Kis qadar jald badal jate hain insan jana.                                 

      

• Ham ke roothi hui rut ko bhi mna lete the.... 
• Hamne dekha hi nhi mausam-e-hijran jana. 

                      (hijr= judaai) 

• Ab tera zikr bhi shayad hi gazal me aae.....
• Aur se aur hue,dard ke unwan jana.

• Hosh aya to sabhi khwaab the reza reza.... 
• Jaise udte hue auraq-e-preshan jana.

       

        (Auraq-e-preshan=toote hue patte)

• Awaal awwal ki mohabbat ke nashe yaad to kar....
• Be piye bhi tha tera chehra gulistan jana.  

         (awwal awwal= shuruati mohabbat) 

• Aakhir aakhir to ye aalam hai ki ab hosh nhi... 
• Rag-e-mina sulag uthi ke rag-e-jan jana. 

• Muddat se yhi aalam na tawaqqo na ummeed... 
• Dil pukare hi chala jata hai jana jana.